«

»

Urt 26 2013

Bizi!ren ekintza ikusgarria Biarritzeko FIPAn

Prentsa Agiria

BiziFIPA4

Larunbat hontan, urtarrilaren 26an arratseko 19 :30tan, Bizi! mugimendu altermundialistako 25 militantek Biarritzeko Gare du Midi-aren paretatik banderola erraldoi bat zintzilikatu dute, han iragaiten zen FIPA entzun-ikus festibalari begi klixka bat eginez, amaiera eta saristatzeen zeremonia gertatzen ari zen momentuan: «Badu urte bat xuxen, txirrindula bide antolaketa promesak Biarritzen : dena zinema !? » zioen banderolak. Anartean, beste militante batzuek eskuorriak banatzen zizkieten han ziren jendeei ekintzaren zentzua esplikatzeko.

Ekintza ikusgarri horren bidez, Bizi!k Biarritzeko auzapezari nahi dio azpimarratu duela urte bat xuxen hitzeman zituen txirrindula bideen sortze/egokitzeen gauzatzean bildutako atzerapena. Izan ere, Biarritzeko Herriko Kontseiluak bozkatu zuen 2012ko urtarrilan erabaki bat non kostako ibilbide baten egitea onartua zen. Ibilbide hori Itsasargitik Ozeanoaren Hirira joaiteko aurreikusia zen eta Angelu eta Bidarte-ren artean txirrindulaz jarraitzeko parada eskainiko zuen. Ber maneran, Biarritzeko hiri erdian txirrindula bide pratiko batzuren sortzea aurreikusia zen eguneroko beharren txirrindulaz konpontzeko gaitasuna lortzeko.

Biarritzen txirrindularen erabilpena garatzearen aldeko engaiamendu horiek hartuak izan ziren, Bizi!k 2011ko udazkenean eramandako «Bizikleta» kanpainaren ondorioz.

«Txirrindularen aldeko lehen antolaketen promesa horiek hastapen on bat ziren Biarritze txirrindularendako hiri batera eraldatzeko prozesuarentzat. Tamalez, urte bat berantago, deus ez dela gauzatua izan argi gelditzen da» dio Iban Grossier-ek, Autoari Alternatiba Bizi!ren lantaldeko arduradunak. «Gaurko ekintza eramana da Herriko Etxearekin ukan ditugun hainbat topaketen ondotik eta Herriko Etxeari igorriak izan diren eta erantzunik gabe egon diren hainbat gutunen ondotik. Gaurko ekintzaren bidez proiektuen mami zehatza zer den jakin nahi dugu eta Biarritzen txirrindularentzat eginen diren antolaketen egutegi zehatza ezagutu nahi dugu. Berriz azpimarratzen dugu, adibide gisa, Mazagran karrikan txirrindulentzat bi norantzak erabiltzeko posibilitatea gauzatzea berehala egitea posible zela, kostu oso ttipiarekin».

Azpimarratzekoa da BAB hiri gunean, garraioek berotegi efektuzko gas isurketen %60a sortzen dutela, hauek gertatzen ari den beroketa klimatikoaren arduradunak direlarik, eta gainera bidaien erdiak 3 km baino laburragoak direla. Ondorioz, txirrindula dudarik gabe agertzen da geroari buruz itzulia den aterabide bat bezala, aldaketa klimatikoaren kontra molde eragikorran borrokatzeko, eguneroko bizian, norberak bere bidaiak (lanerat joaiteko, aisaldi gisa edo erosketentzat) beste era batean antolatuz.

«Katastrofikoa eta ezin kontrolatuzkoa litaiken uzkailketa klimatikoaren saihesteko, baitezpadakoa da laster eragitea, Euskal Herrian eta mundu osoan ere!» azpimarratzen du Jonathan Palais-k, Bizi! mugimenduan klima gaiaz berezitua den militanteak. «Baina nola pentsatu, nazioarte mailan gure jendarteen aldaketa erradikala lortzea, ikusiz hemen, Biarritzen, ez girela gai epe laburrean txirrindula bide antolaketa sinpleen gauzatzea, gure eguneroko bidaia ohituren aldaketa lagunduko lukeena ?  »

Ekintzaren eskuorria ikusteko hemen klika ezazu: